केहीको घटनास्थलमै मृत्यु भएको आशङ्का
दैलेख ।
सुर्खेतबाट कालिकोटतर्फ जाँदै गरेको एक यात्रुवाहक जिप दैलेखमा भीषण दुर्घटनामा परेको छ। सोमबार दिउँसो १२ बजेपछि दैलेखको भैरवी गाउँपालिकाको कालगौँडा भन्ने ठाउँमा जिप दुर्घटनामा परेको हो।
दुर्घटनामा परी केही व्यक्तिको घटनास्थलमै मृत्यु भएको प्रारम्भिक जानकारी आएको छ भने अन्य केही यात्रीहरू गम्भीर घाइते भएका छन्।
जिल्ला प्रहरी कार्यालय दैलेखका सूचना अधिकारी सन्तोष रोकायाका अनुसार घटनाको जानकारी पाउनासाथ स्थानीय प्रहरी टोली उद्धारका लागि घटनास्थलतर्फ परिचालन भइसकेको छ। दुर्घटनाको प्रकृति र भौगोलिक विकटताका कारण अहिले नै मृतक तथा घाइतेहरूको स्पष्ट सङ्ख्या र सनाखत हुन सकेको छैन।
जिप सडकबाट कति तल खस्यो र दुर्घटना हुनुको कारण के हो भन्नेबारे थप विवरण आउन बाँकी रहेको र प्रहरीले उद्धार कार्यलाई तीव्रता दिएको सूचना अधिकारी रोकायाले जानकारी दिएका छन्।
प्रतिक्रिया दिनुहोस्