बिदाइ भए पुराना हस्ती, रास्वपाको ‘सरप्राइज’ इन्ट्री

सुर्खेत। कर्णालीका १२ वटै निर्वाचन क्षेत्रको नतिजा आएसँगै यहाँको राजनीतिक भूगोल नै फेरिएको छ यार। यो पटकको निर्वाचनमा नेपाली कांग्रेस ५ सिटसहित पहिलो शक्ति बनेको छ भने नेकपाले ४ सिट जितेर दोस्रो स्थान जमाएको छ। नेकपा एमाले, रास्वपा र राप्रपाले भने १–१ सिटमा चित्त बुझाएका छन्। मुगु, हुम्ला, दैलेख–१, जाजरकोट र सुर्खेत–१ मा कांग्रेसले झण्डा गाड्दा, नेकपाले रुकुम पश्चिम, सल्यान, कालिकोट र डोल्पामा आफ्नो पकड कायमै राख्यो।

यसपालिको सबैभन्दा ठूलो ‘चमत्कार’ सुर्खेत क्षेत्र नम्बर २ मा देखियो। राजनीतिमा ‘भर्खरै’ आएको भनिएको राष्ट्रिय स्वतन्त्र पार्टी (रास्वपा) का उम्मेदवार रमेशकुमार सापकोटाले यहाँका पुराना हस्तीहरूलाई यसरी पछारे कि कसैले कल्पनासम्म गरेका थिएनन्। ३० हजार ८ सय २६ मत ल्याएर रमेश विजयी हुँदा कांग्रेसका नारायण कोइराला र एमालेका कुलमणि देवकोटा निकै पछाडि परे। पूर्णबहादुर खड्का र यामलाल कँडेल जस्ता ‘हेभीवेट’ नेताहरूको गृहजिल्लामा एकैपटक घण्टी बज्नुले सबैलाई चकित पारेको छ। कर्णालीबाट रास्वपाको तर्फबाट संसद् छिर्ने सापकोटा एक्ला ‘माननीय’ बनेका छन्।

दैलेख–२ मा एमालेका लक्ष्मीप्रसाद पोखरेलले कांग्रेसका दिक्पाल शाहीलाई हराउँदै एमालेको ‘निल’ हुने लाज जोगाएका छन्। उता जुम्लामा त इतिहास नै रचियो सम्धीज्यू! राप्रपाका ज्ञानबहादुर शाहीले २०५६ देखि कोही पनि सांसद नदोहोरिने जुम्लाको ‘रेकर्ड’ तोड्दै लगातार दोस्रो पटक जित हासिल गरे। १४ हजार बढी मत ल्याएर ज्ञानेन्द्रले जुम्लामा आफ्नो बलियो पकड फेरि प्रमाणित गरिदिए।

सुर्खेत–१ मा कांग्रेसका विष्णुबहादुर खड्काले एमालेका ध्रुव शाहीलाई १० हजार भन्दा बढी मतान्तरले हराउँदै दाइ पूर्णबहादुरको विरासत जोगाए। दैलेख–१ मा त रोचक भयो, एमालेभित्रको किचलोको फाइदा उठाउँदै कांग्रेसकी बासना थापाले अनुभवी नेता रवीन्द्रराज शर्मालाई हराएर पहिलो पटक संसद्को यात्रा तय गरिन्। जाजरकोटमा पनि कांग्रेसका युवा नेता खडकबहादुर बुढाले पटक–पटक मन्त्री बनेका शक्तिबहादुर बस्नेतको ‘विजय रथ’ रोकिदिए। हुम्लाबाट जयपति रोकाया र मुगुबाट खड्ग शाहीले पनि कांग्रेसको झण्डा फहराउँदै संसद् यात्रा पक्का गरे।

कालिकोटमा नेकपाका महेन्द्रबहादुर शाहीले जितको ‘ह्याट्रिक’ गर्दै आफ्नो शक्ति देखाए। उनले आफ्नै पूर्व सहकर्मी ‘प्रकाण्ड’ लाई समेत लज्जास्पद हार चखाए। रुकुम पश्चिममा भने ठूलो उलटफेर भयो यार! दशकौँदेखि अपराजित रहेका जनार्दन शर्मालाई आफ्नै दलका गोपाल शर्माले पराजित गरिदिए। डोल्पामा धनबहादुर बुढा र सल्यानमा रमेशकुमार मल्लले जित निकालेर नेकपालाई कर्णालीमा दोस्रो शक्ति बनाइराखे। यसरी हेर्दा कर्णालीका जनताले यसपालि कसैलाई दोहोर्‍याए, कसैलाई नयाँ अवसर दिए त कसैलाई ‘विश्राम’ लिन घर पठाइदिए।