कर्णाली प्रदेशमा दिउँसो १ बजेसम्म ३०.७ प्रतिशत अर्थात तीन लाख १८ हजार ३०२ मत खसेको छ ।
कुल १० लाख ३७ हजार २५० कुल मतदाता मध्ये हालसम्म ३० प्रतिशत मत खसेको प्रदेश निर्वाचन अधिकृत लालबहादुर गुरुङले जानकारी दिए।
गुरुङका अनुसार सुर्खेत १ मा ३०.७२, सुर्खेत २ मा ३१.५३, दैलेख १ मा २१.९१, दैलेख २ मा १६.८३ प्रतिशत मत खसेको छ।
यस्तै जाजरकोटमा ३४.०२, सल्यानमा ३३.५७, रुकुमपश्चिममा ३४.५३, कालीकोटमा २६.७२, जुम्लामा ३१.२० प्रतिशत मत खसेको छ।
यस्तै मुगुमा ३७.५५, डोल्पामा ३४.०५ र हुम्लामा ४३.७२ प्रतिशत मत खसेको छ।
गुरुङका अनुसार कर्णालीमा अहिलेसम्म शान्तिपूर्ण तरिकाले मतदान भइरहेको छ।
प्रकाशित मिति : २०८२ फागुन २१ गते बिहीबार
प्रतिक्रिया दिनुहोस्