सुर्खेत । प्रदेशस्तरमा आयोजित तीनदिने नियमित खोप कार्यक्रम तथा खोपबाट बचाउन सकिने रोगहरूको खोज–पड्तालसम्बन्धी समिक्षा गोष्ठी आज सम्पन्न भएको छ। सो अवसरमा नयाँ खोप तथा रोगसम्बन्धी जानकारी आदान–प्रदान, सरसफाइ प्रवर्द्धन, साथै सूक्ष्म–योजना अद्यावधिकबारे विस्तृत छलफल गरिएको आयोजकले जानकारी दियो।
समापन सत्रमा सामाजिक विकास मन्त्री माननीय घनश्याम भण्डारीले प्रभावकारी कार्यान्वयनमा सबैको सक्रियता आवश्यक रहेको उल्लेख गर्दै खोप कार्यक्रम संघीयता आएपछि अपेक्षित रूपमा अगाडि नबढेकोमा चिन्ता व्यक्त गर्नुभयो। उहाँले कार्यक्रमलाई बढी परिणाममुखी बनाउन प्रदेश तथा स्थानीय तहबीच समन्वय र जिम्मेवारीपूर्वक काम गर्न आग्रह गर्नुभयो।
गोष्ठीमा स्वास्थ्यकर्मी, खोप अधिकृत, सरोकारवाला संस्थाका प्रतिनिधि तथा विशेषज्ञहरूको सहभागिता रहेको थियो। अधिकारीहरूले सबै समुदायमा खोप सेवाको पहुँच सुनिश्चित गर्दै खोपबाट बच्न सकिने रोगहरूको नियन्त्रणलाई अझ मजबुत बनाउने प्रतिवद्धता जनाएका छन्।
प्रतिक्रिया दिनुहोस्