सकियो जनमुखी सहकारीको १४औं वार्षिक साधारणसभा

सुर्खेत। जनमुखी कृषि तथा पशुपालन सहकारी संस्था लि. सुर्खेतको १४औं वार्षिक साधारणसभा उत्साह, उल्लास र भव्य वातावरणमा सफलतापूर्वक सम्पन्न भएको छ।

सभामा सहकारीका सदस्यहरूको उल्लेखनीय उपस्थिति रहेको थियो भने विभिन्न क्षेत्रका अतिथिहरूले सहकारीताको भूमिका, आत्मनिर्भर अर्थतन्त्र र सहकार्यको भावनाबारे प्रेरणादायी विचार व्यक्त गरेका थिए।

संस्थाले सहकार्य, पारदर्शिता र आत्मनिर्भरताको मूलमन्त्रसहित स्थानीय समुदायको आर्थिक सशक्तिकरणमा योगदान दिँदै आएको छ। वार्षिक साधारणसभामार्फत सहकारीले आफ्नो संस्थागत दृढता, एकता र निरन्तर प्रगतिप्रति दृढ प्रतिबद्धता दोहोर्याएको छ।

कार्यक्रममा सहकारीका पदाधिकारीहरूले गत आर्थिक वर्षको प्रगति विवरण प्रस्तुत गर्दै आगामी वर्षका योजनाबारे जानकारी गराएका थिए। संस्थाका सदस्य, अतिथि तथा शुभेच्छुकहरूले सहकारीको निरन्तर प्रगति र सफलताको कामना गर्दै सहयोगको आश्वासन व्यक्त गरेका थिए।

सहकारीको प्रगतिमा साथ, सहयोग र माया प्रकट गर्ने सम्पूर्ण सदस्य, अतिथि तथा शुभेच्छुक महानुभावहरू प्रति संस्थाले हृदयदेखि धन्यवाद र कृतज्ञता व्यक्त गरेको छ।